С.Юсупова айыл өкмөтүнүн башчысы Насридин Сатывалдиевич Абдураимов 1-октябрь эл аралык карыялар күнүнө карата жарыяланган бир айлык майрамдын алкагында айыл аймагындагы жашы уулу инсандардан кабар алды.

2024-жылдын 3-октябрында Араван районунун акими С.Д.Кулубаев С.Юсупова айыл аймагынын Араван айылынын Б.Айдаров көчөсүнүн жашоочулары менен жеринен жолугушуу өткөрдү. Жолугушууга С.Юсупова айыл өкмөтүнүн кызматкерлери, Араван районунун мамлекеттик администрациясынын кызматкерлери, ишкана-мекемелердин жетекчилери катышты. Негизинен аким Араван – Дөбө-Коргон чоң жолунун боюнун тазалыгын сактоо боюнча жашоочуларга кайрылып кетти. Ошондой эле айыл тургундарына жергиликтүү маанидеги жаралып жаткан көйгөйлөрү талкууланды.

2024-жылдын 21-сентябрында С.Юсупова айыл аймагындагы мектептерде, мектепке чейин билим берүү уюмдарында жана ишкана-мекемелерден кызматкерлери тарабынан, имаратын жана айлана-чөйрөсүн тазалоо, актап-сырдоо жана иретке келтирүү иш-аракеттери жүргүзүлдү. Ошондой эле С.Юсупова айыл өкмөтүнүн кызматкерлери тарабынан айыл аймагынын негизги жолдордун жээги, Араван-Сайдын жээгиндеги таштандылар тазаланып, иретке келтирилди.